Facebook32

كشّاف الخبرات

Picture?type=large

Mohammed Elhifnawy
661 نقطة 5
فيزا أمريكا
عدد المشاهدة
2764


الموقف

احنا مجموعة من طلبة كلية الهندسة ... كان عندنا مسابقة في أمريكا... وروحنا نقدم على فيزا أمريكا... ومعانا كل الدعم والورق اللي يثبت ان حنا بنمثل الكية ومصر في المسابقة, وأنوا معانا دعم مادي لمشروع التخرج من شركات كبرى في اسكندرية... المهم دخلنا انترفيو جماعي بكل الورق ده... واترفضنا !! بعد كده قدمنا كل واحد لوحده وفي ناس خدتها بشوية النصايح اللي تحت دي


1- روح ادفع في ال CIB BANK مبلغ 1120 ج 2- كلم فودافون على 2100 عشان تحجز معاد، الدقيقة ب 5.05 ج ، تقريبا بتدوس 1 1 1 عشان تختصر 5 دقايق من التسجيل الصوتي وتكلم مندوب فودافون على طول ... لو انت طالع مسابقة أو مؤتمر ومعاك invitation letter قلهم عايز ميعاد business غالبا ده بيديك معاد أسرع من المواعيد العادية ..وبتكون ال visa type هو business 3- بتملى ال DS 160 FORM اللي هي الابليكشن من على ceac.state.gov/genniv 4- For cancellation call 0225224890 قبل المعاد ب 48 ساعة على الأقل وتبقى تاخد معاد في وقت تاني عشان الحجز مايروحش عاليك 5- كون لابس كويس... احسن حاجة عندك.. مش شرط فورمال... عشان للاسف بيطروا يحكموا من ابمنظر...روح السفارة قبل معادك بنص ساعة وكون محضر كلامك كويس وواثق في نفسك في الانترفيو وخليك مبتسم وفريش وحاول يكون في كلامك بطريقة غير مباشرة ان في روابط قوية تربطك بالبلد وانك مش محتاجلهم في حاجة .. شوية انافة بتنفع برضوا ... الأهم من الورق اللي معاك ..طريقة كلامك وثقتك في الكلام اللي بتقولوا.. مش بعيد تسجل لنفسك انترفيوا وتظبطوا كذا مرة لحاد ما تتقنوا وتحضر نفسك لكل أنواع الأسئلة اللي ممكن تتسألها وردك يكون جاهز ووقتي عاليها بدون ما يكون في أي تناقضات في الردود.. الانترفيو ممكن مسعديش اريع دقايق...فقول اكتر جملتين تجذبهم عشان يدوك الفيزا أول جملتين.. فكرة الانطباع الاول مهمة جدا هنا


ملاحظات

* مفيش أي حد جوه السفارة نهائيا له يد في قرار الفيزا بتاعك غير القنصل اللي عالشباك ... متقلقش نفسك عالفاضي مع أي موظف تاني زي اللي بياخد منك الباسبورت أو اللي بيبصمك أو اللي بيتاكد ان اسمك موجود عندهم متسجل في اليوم ده وبيدبسلك الصورة في الباسبور... مش مهم تكون قلقان قدام دول كلهم ... المهم متكونش قلقان قدام القنصل اللي عالشباك

* لو انت اترفضت نصيحتي ليك قدم تاني على طول ...ده لو انت شايف ان حقك تسافر وكان قرار الرفض ظالم ليك.. لان في القانون عندهم مش حيكون نفس القنصل اللي عملك الانترفيو وحيبقى قنصل تاني ... مادام قدمت تاني قبل سنة من المعاد الاولاني ... دايما بيكون في قنصل معدل رفضه للفيزا ابليكيشن اعلى من غيره ..يعني هي مسألة حظوظ انت داخل على انهي قنصل... فلو كان حظك وحش ودخلت اول مرة لقنصل معدل رفضه لاعطاء الفيزا عالي... المرة اللي بعدها لو في خلال سنة مش حتخشله تاني... ولو دخلتله قله انو عملك انترفيو من 3 شهور مثلا فهو حيخليك تخش على شباك تاني وربنا يكرمك المره دي !

*اوعى ابدا تخش انترفيو جماعي الا لو معاك انفيتاشن او اسرة واحدة ... لأن القنصل يا أما حيديكوا كلكوا الفيزا أو يديكوا رفض و الاسهله 1000 مرة ان يرفضكوا كلكوا حتى لو هوا شاف ان واحد فيكوا بس يستحق الرفض...حيرفض المجموعة كلها... عشان كده دايما على قد ما تقدروا ابعدوا عن الجروب انترفيو !!

الاماكن المرتبطة

  • سفارة الولايات المتحدة الامريكية
  • كلية الهندسة - جامعة الاسكندرية

  • التصنيف

    • *سفر وهجرة  
    • *روتين حكومي  


    May 10, 2013 | إطبع

    Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
    معلومة زيادة x
    عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

    التعليقات

    Picture?type=large
    Mahmoud Adam 1 25 نقطة

    يمكنك الاتصال علي ٢١٠٠ من اي موبايل فودافون او برقم ٠٩٠٠٧٠٦٠٠ من اي موبايل او خط ارضي

    2013-05-11
    Picture?type=large
    Mohammed Elhifnawy 5 661 نقطة

    تقدر لو عندك حالة طارئة أو أي إستفسار من القنصل تبعتلهم على

    consularcaironiv@state.gov او ccea@state.gov

    2013-05-11
    Picture?type=large
    Amr Wael 1 18 نقطة

    أنا شايف انك لازم تبقى عارف سيستم السفارة الأول وشكلها عمل ازاي و إيه إلي بيحصل جواها عشان متبقاش خايف أو متوتر ....أول حاجة إنت لزم تروح أبل معادك بساعة مثلا وأنا بنصحكو تخدو معاد الصبح بدري على 7:30 مثلاً وتكون هناك من سبعة عشان تتجنب انك تقف في طابور طويل عريض وتفقد تركيزك
    أول مهتخش السفارة هتسيب موبايلك فالأمانات وهتخد بيه كارت وبعدين تخش جوا تمشي ف مكان openair و تنزل سلم وتخش من باب هتلاقي قدامك ال-dhl هتخش شمال تاني من باب هتبقى دخلت الفيزا سكشن حتسلم بسبورك الواحد وهيديك رقم بعد كدا حيندهو علي رقمك ويبصمك ويديك الباسبور ...إنت بئة هتديه لواحد واقف على stand وتستنى حبه ...بعد كدا هو هيندة على رقمك تاني ويديك الباسبور ويقولك أوقف فالطابور لحد ميجي دورك وتبئة واقف أول واحد فالطابور ساعتها هيقولو zero zero على شباك رقم كذا تاخد ورقك وتروح وتبقى مبتسم وأول متخش تقول good morning بعد كدا بئة هتسألك الاسئلة التقليدية ..ليه عايز تروح أمريكا وهتعمل إيه هناك وإنت بتشتغل إيه وهتصرف منين وطبعاً كل واحد والحالة بتاعت حايجوب بس حاول متبأش تقليدي وحاول تشدو و تديلو إنطباع كويس من أول سؤال واتمرن على الاسئلة كلها وإحفظ الإجابات اى متلجلجش ومتحرش ف وشك وحول تتملك أعصابك ولو خد منك الباسبور يبقى إنت أخدت الفيزا ولو رجعهولك يبقى لأ ... لم تاخدها إن شاء الله حتروح تدفع 77 جنيه فل DHL .

    2013-05-16
    Picture?type=large
    Ahmed Abd El Salam 2 55 نقطة

    كل اما تروح بدرى عن معادك حيبقى رقمك لما تدخل فى الاول و حتخلص نفسك بسرعه
    ليا تجربتين:
    الاول معاده الساعه 8 وصل الساعه 7:45 كان رقمه جوه فى السفاره 116 او اكتر عمل الانترفيو على واحده الظهر و على ما كان راح للشباك كان تعبان من السفر و الوقفه و كان بيقول ان الموضوع ده اثر عليه ادام القنصل بالسلب
    الثانى راح 7 و كان معاده 8 لما دخل كان رقمه 17 خلص الانترفيو و دفع ال الدى اتش ال و كان برا على الساعه 9

    2013-06-07
    Picture?type=large
    Mahmoud ElSaid 1 19 نقطة

    الميعاد بتاع الساعة 8 افضل من الميعاد التانى على تجربتى و تجربة اصدقاء ليا و هناك لو فعلا عندك invitation الموضوع هيبقى افضل كتير

    2013-07-24
    Picture?type=large
    Mohammed Elhifnawy 5 661 نقطة

    http://cdn.ustraveldocs.com/eg/index.html?firstTime=No

    يقال إن طريقة تقديم الفيزا اتغيرت تماماً وأصبحت زي إلي فاللنك دة

    2013-11-10

    yaaa waaaaaaaaaaelllllllllllllll yaaaa msaaaayaaaaatnaaaaaaaaaaaaaaaaaaaa :D


    2014-07-17

    الله ينور يا رجل

    2013-10-13
    Picture?type=large
    Mohammed Elhifnawy 5 661 نقطة

    الله ينور يا رجل

    2013-12-17

    تحضير أوراق معادلة أمريكا للصيدلة "صيدلة اسكندرية بالذات "

    2013-09-27

    1- الامتحان:اسم الامتحان: FPGEEواللجنة بتاعته اسمها: FPGECحتلاقي عالموقع كل المعلومات اللي حتعوزها عن الامتحانwww.nabp.كومودة لينك القسم بتاع المعادلةhttp://www.nabp.net/programs/examination/fpg... ...المزيد

    لو حتسافر امريكا اول مره

    2013-06-07

    اول حاجه فى الغالب حتوصل مطار جون اف كينيدى. التعامل هناك صعب عشان ده من اكبر المطارات هناك ده تقريبا المطار اللى رابط اوروبا و افريقا بامريكا بالاضافه اعده مطارات اخرى مثل مطار واشنطن و مطار فلو... ...المزيد

    الحصول على فيزا الهند

    2013-10-28

    1- تطلع شهادة قيد من الكلية لو طالب، وخطاب جهة العمل لو موظف 2- تدخل على موقع السفارة الهندية وتملا استمارة الفيزا، وتطبعها 3- تاخد معاك 3 صور و 750 جنيه مصري 4- تروح قنصلية الهند في شارع... ...المزيد


    تسجيل الدخول x
    إشترك الآن في موقع كشاف مصر