Facebook32

كشّاف الخبرات

Picture?type=large

Mohamed Atef
22 نقطة 1
التحويل بين الكليات و الجامعات
عدد المشاهدة
602


فيه مأساة في مصر في التنسيق اسمها التوزيع الجغرافي -_- و اللي بيجبرك علي دخول كلية داخل محافظتك حتي لو الكلية مستواها مش كويس و حتي لو الأقسام اللي انتا عايزها مش موجودة!! و بما اني وقعت في الفخ دا هحاول اتكلم عن خبرتي في موضوع التحويل بين الجامعات


*التغلب علي الموضوع دا بيكون انك تجهز نفسك قبل الإمتحانات بتاعة تالتة ثانوي ^_^ ازاي ؟؟

- أول حل انك تحول من المدرسة بتاعتك و تروح تمتحن في مدرسة في المحافظة اللي فيها الجامعة اللي انتا عايزها.

-تاني حل انك تغير محل اقامتك في البطاقة و بعد ما تتقبل في الكلية بتعمل تحويل في التنسيق.


طيب و اللي دخل الكلية و معملش الحاجات دي؟

*كدا انتا خرجت من مسئولية مكتب التنسيق و بقي تعاملك مع الجامعات غالبا هتقضي سنة و بعدين تحول .. و الجامعات هنا هي اللي بتحط شروط التحويل و بتختلف من جامعة للتانية و بتختلف من كلية للتانية فيه كليات بتلاقي فيها شرط واحد و كليات بتلاقي فيها كل الشروط اللي هقولها دي .. ازاي؟؟

-فيه كليات بتشترط تقدير معين زي هندسة القاهرة لازم المحول ليها يكون حصل علي جيد جدا في كليته الأصلية.

-فيه كليات بتشترط محل اقامة مر عليه مدة معينة زي هندسة عين شمس.

-فيه كليات بتشترط النجاح بس و بتقبل كل الناس زي هندسة منوف.

-فيه كليات بتشترط عليك انها تقبلك بس تدخل قسم معين زي هندسة القاهرة بتفتح 4 اقسام بس للطلبة المحولين لكن هندسة عين شمس بتدخل اي قسم يعجبك طالما تقديرك مناسب.


حاول تسأل بدري في شئون الطلبة في الكلية اللي انتا عايزها و شوف شروطهم ايه و ابدأ جهز نفسك

*ملحوظة مهمة لما تروح تحول بيطلب منك بيان درجات و كشف بالمواد اللي انتا درستها و بيتقارنوا مع المواد الموجودة في الكلية اللي هتروحها و غالبا فيه مواد بتدرسها تاني و مواد جديدة بتتضاف عليك لأنك مدرستهاش 
و ربنا يوفقكم جميعا و تدخلوا الكلية اللي نفسكم فيها :) 



التصنيف

  • *روتين حكومي  
  • *معرفة وتعلم  


August 16, 2015 | إطبع

Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
معلومة زيادة x
عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

التعليقات



تسجيل الدخول x
إشترك الآن في موقع كشاف مصر