Facebook32

كشّاف الخبرات

B4787e150d5efe0627e16f07109df29b.png?d=http%3a%2f%2fkashaaf.com%2fkashaaf_logo

إبن بطوطة
72 نقطة 2
الدراسة في بريطانيا
عدد المشاهدة
678


الخبرة دي منقولة من طارق السمني 

أولاً قبل ما ابدأ الكلام .. نص البوست ده ملطوش من Ahmed AbdelHamid في مجهود رائع كان علي الانترنت من سنة ٢٠١٢ بس معرفش ليه هتلاقي معظم الناس مشافتهوش ..

 التقديم في جامعة بريطانية:
المميزات: ماجستير العلوم MSc. في انجلترا سنة واحده بس بتكون من شهر ٩ لشهر ٩ السنه الي بعدها "١٢ شهر" او من شهر ١ لشهر ٥ او ٦ السنه الي بعد الي بعدها "١٦ شهر تقريبا".
التقديم: اول خطوه انك تبحث عن جامعات فيها المجال الي انت مهتم بيه وتشوف ترتيب الجامعات علشان ترتب اختياراتك .. واه انا اقصد اختياراتك "جمع" لانك هتقدم علي اكثر من جامعه "التقديم ببلاش" لحد ما يجيلك Acceptance .. البحث ده ممكن تعمله في مواقع كثير منها:
http://www.timeshighereducation.co.uk/…/…/reputation-ranking

http://www.topuniversities.com/…/world-university-rank…/2014
ممكن تختار التريب في مجالات معينة وفي دول معينة ..

بعد ماترسي علي قائمة بالجامعات و تتاكد ان فيها القسم بتاعك وبتقدم برامج ماجستير الي انت عاوزها ..

هتحتاج تشوف شروط القبول بتاعتهم .. الشروط دي بتتمحور دايما حوالين التالي:
- مستواك في اللغه.
- اعلي شهادة في تعليمك.

مستواك في اللغه في معظم جامعات بريطانيا بيتحدد باختبار IELTS 
http://www.ielts.org/
الاختبار ده المسئول عنه في مصر الBritish Council مسئول عنه بمعني انه بيعمل امتحاناته وبيديك شهادته المعتمده و بيدرس كمان كورسات تقوية فيه .. شهادة الIELTS بتفديك في التقديم علي الهجرة كاثبات لمستوي لغتك سواء لكندا او استراليا او الدنمارك .. اعلي درجة في الشهادة ٩ وبتكون متوسط مستواك في القراءة والكتابه و الاستماع والفهم ..

الشهادة بتفضل ليها قيمة لمدة سنتين بعد اصدارها وبيتم اصدارها خلال اسبوع لاسبوعين من تاريخ الامتحان وتقدر تحجز الامتحان من المعهد البريطاني او اون لاين .. وبتكون في حدود ١٠٠٠ جنيه مصري ..

ثاني حاجه وهي شهادتك التعليميه لازم تكون نسخة انجليزي من كليتك او تجيب النسخه العربي وتترجمها عند مكتب ترجمة .. بالحاجتين دول تقدر تقدم علي الجامعه .. هتلاقي جامعات بتقولك عاوزين Score 6 في اللغه .. و يكون معاك شهادة تخرج معينه .. وفيه جامعات اقل من كده في اللغه واعلي من كده ..

لو شهادتك مش معترف بيها او اضعف من الي هم طالبينه او جاي من تخصص غير الي عاوز تعمل فيه الماجستير بس قريب منه .. ممكن الجامعة تطلب منك تعادل الشهادة بانك تحضر كورسات عندها وتعدي امتحانات قبل ماتقبلك .. ونفس الكلام في اللغه لو معرفتش تجيب الScore المطلوب منك في اللغه .. ممكن تروح تحضر كورسات لغه في الجامعه و تمتحن عندهم و تاخد شهادة تقدر تكمل بيها التقديم ..

بعد ماتكون جاهز بان معاك الشهادة المطلوبه و شهادة اللغه .. بتبعت للجامعه علي الAdmisions ايميل بتاعهم Application بتملاه فيه تفاصيل عنك وعن خبرتك في العمل لو عندك خبره وده بيدعم وبيساعد في قبولك .. بعد ماتقدم .. بيحصل حاجه من اثنين لا بيتم الرد عليك بالقبول وهقولك بعدها هنعمل ايه .. لبيتم الرد عليك ان الورق ناقص او انك محتاج تاخد كورس معين قبل قبولك ..

لو تم قبولك بيتبعتلك حاجه اسمها conditional offer .. ده بيبقي قبول مشروط .. بانك تدفع مبلغ تحت الحساب عادة بيكون ١٠٠٠ جنيه استرليني للجامعه او تجيب خطاب المنحة الي هتغطي تكاليف دراستك .. ساعتها بيبعتوا ليك Unconditional offer .. ده القبول ياعم الحاج وبيبقي فيه خاجه اسمها CAS number ده رقم بتكتبه في الابلكيشن بتاع الفيزا وانت بتقدم عليها بيقول انك جالك Offer من جامعه معتمده في بريطانيا .. التقديم علي الفيزا اسهل منه مفيش وانت معاك الCAS محتاج تثبت ان معاك في البنك في حدود ١٠٠ الف جنيه وبعدها هتاخد فيزا سنة ونص او سنتين بتسمح ليك بالدراسه في بريطانيا و العمل Part-time يعني ٢٠ ساعة في الاسبوع .. المفروض لو اشتغلت ٢٠ ساعة في الاسبوع دول مش تحتاج تلمس ال100 الف جنيه .. بس مش هضحك عليكم .. الشغل مش سهل اوي كده هناك 

طبعا هتحتاج تدفع مصاريف اول ترم اول ماتوصل وفي معظم الاحوال مصاريف السنه بتكون في حدود ١٢ الف استرليني .. وده رقم خيالي بالنسبة لبقية اوروبا بس التعليم في انجلترا صناعة وبيزنس 

طبعا انت اكيد قاعد مصدوم من الارقام الفلكية دي .. مش تقلق اللينك ده:
https://docs.google.com/spreadsheet/lv…

فيه تفاصيل عن اكثر من ٢٠٠ منحة للطلاب الاجانب وفيه منهم مخصص للمصريين وزي ماقولت قبل كده ان ده ملطوش من احمد عبدالحميد "ادعوله" .. انا قدمت علي فيزا بتاعتي في يوليو ٢٠١١ والمفروض انها كانت تيجي في اغسطس ٢٠١١ علشان الدراسه سبتمبر ٢٠١١ .. الفيزا اترفضت علشان غلطت في ورق البنك وكشف الحساب كان فيه حاجه غلط .. قدمت في اخر اغسطس ٢٠١٢ وانا شبه متاكد ان السنه فاتتني .. الفيزا جاتلي في ٢٠ سبتمبر ٢٠١١ وكنت في انجلترا ٢٢ سبتمبر ٢٠١١ وفاتني اول اسبوع في الدراسه .. العبره ان الموضوع مش صعب واكاد اقول انه سهل .. بس محتاج مثابره وعدم يأس وانك تفتح ١٠٠ طريق في نفس الوقت علشان الوقت بيتحرق وانت قاعد مستني ردود الجامعات .. ولما ربنا يكرم وطريق يمشي قفل الباقي وركز فيه ..

علشان تعرف تفاصيل اكثر عن الجامعات البريطانيه .. كل فتره الجامعات دي بتعمل مؤتمرات دعايه في مصر وبتساعد الطلبه الي بيقدموا كمان انه يجيلهم قبول.

الموقع ده في تفاصيل حلوه ونقطة بداية كويسه لبحثك ..
http://globalstudyuk.com/

وثاني احمد عبدالحميد عامل مجهود اكثر من رائع هنا:
http://www.ahmedabdelhamid.com/arblog/?p=1797

انا تقريبا كده خلصت تغطيتي للمنح الي اعرفها و لخطوات التقديم علي الجامعات في بريطانيا .. وتقدر تقفل الموضوع ومش محتاج تكمل القراية من اول هنا .. بس طبعا بعد ماتعمل Share وتفيد صحابك وكل الناس .. علشان محدش بياخد فيزة حد 

الي محتاج يكمل الموضوع شباب حاسبات ومعلومات من اي جامعه واي كلية ..

فيه مبادرة مشهورة في مصر عاملاها الحكومة المصرية تقريبا علي مافتكر .. اسمها iti .. ده الموقع بتاعها http://www.iti.gov.eg/ .. تقريبا هي زي معهد بتنضم ليه بعد ماتخلص دراستك علشان تتخصص في احد احتياجات سوق العمل .. خلاصة الموضوع ده انك بتدرس في حدود سنه تقريبا براتب شهري الف جنيه في مصر .. علشان تتعلم حاجه تعرف تشتغل بيها وفي نفس الوقت تاخد شهادة بالي اتعلمته وهم سمعتهم حلوه لانهم فعلا بيعلموا الناس حاجات السوق محتاجها .. لحد هنا الكلام ده طبيعي ومعروف عند معظم الناس .. الظريف في الموضوع انك تقدر تاخد البرنامج ده في ٩ شهور وبعدين تكمل ٣ شهور في عمل مشروع التخرج في جامعة بريطانية في انجلترا وتاخد شهادة ماجستير من الجامعه دي وغالبا بيبقي ترتيبها في احسن ٢٠٠ جامعة علي مستوي العالم .. زي جامعة نوتينجهام علي سبيل المثال .. الحلو انك قعدت ٩ شهور في مصر بتقبض علي تعليمك واستفدت .. وفي الاخر هيجيلك قبول انك تكمل في جامعة انجليزيه من غير ماتتعب نفسك في الخطوات الي فوق دي .. وطبعا تكلة التعليم شبه منعدمه بالنسبه للارقام الي فوق دي .. شهادة الماجستير دي زي الي انا اخدتها في سنة بالظبط و معترف بيها في كل العالم و ينفع تقدم بيها علي الجرين كارد في الدنمارك ..


الاماكن المرتبطة

  • سفارة المملكة المتحدة

  • التصنيف

    • *سفر وهجرة  


    December 14, 2014 | إطبع

    Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
    معلومة زيادة x
    عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

    التعليقات



    تسجيل الدخول x
    إشترك الآن في موقع كشاف مصر