Facebook32

كشّاف الخبرات

B4787e150d5efe0627e16f07109df29b.png?d=http%3a%2f%2fkashaaf.com%2fkashaaf_logo

إبن بطوطة
72 نقطة 2
الهجرة للنمسا
عدد المشاهدة
795


النمسا كمان عامله نوع مخصوص من الفيزا للشباب الي عاوز يهاجر ليها .. ليه ممكن تختار النمسا .. ببساطه النمسا في اعلي المراكز في ٣ دراسات عن الدول الي فيها جودة معيشه عاليه .. البيئه عندهم نضيفه و الطبيعه رائعه .. مستوي الامان غير طبيعي و عالي جدا .. النمسا في قلب اوروبا مش محتاج اكثر من ٥ ساعات سواقه بالعربية علشان توصل للمدن دي:
Munich, Prague, and Venice. Greece, Spain, Berlin, Paris, Amsterdam

ولو طيران فمن ساعتين لساعتين ونص .. فيه ٥ اسابيع اجازه في السنه بقوة القانون "كل دول الاتحاد الاوروبي ملزمه بالفتره دي علي الاقل" .. و البنت لها اجازة وضع سنه ونص مدفوعين الاجر  في شهرين من السنه "شهر يونيو و ديسمبر" بتاخد ضعف مرتبك .. علشان تعرف تشتري هدايا في اعياد الميلاد و تتفسح في الاجازه  اجازتهم في السنه قد اجازات امريكا القوميه مرتين 

الصعب او وحش في النمسا .. ان العقارات فيها غاليه جدا ففرصة انك تشتري عقار شبه مستحيلة في البداية .. التوفير والادخار شبه مستحيل هناك علشان العيشه غاليه والمرتبات اقل حتي من مرتبات امريكا والضرايب عاليه جدا .. بس لو بصيت علي المميزات الي فوق والاجازات هتفهم ليه الضرايب عاليه ..

علشان تعرف تفاصيل اكثر ممكن تدخل علي الموقع ده: 
www.virtualvienna.net

دي كانت معلومات بسيطه واوليه عن البلد .. دلوقتي بقه نبدأ في الكلام عن كيفية الهجرة .. النمسا عندها حاجه زي الجرين كارد بتاعة امريكا و الجرين كارد بتاعة الدنمارك والبلو كارد بتاعة اوروبا .. اسمها red-white-red card .. فكرتها ببساطه انه بناءا علي اللغه و خبرتك في العمل وشهادتك و مجالك وسنك ..

فيه نوعين انا اعرفهم وفيه انواع ثانيه انتوا المفروض تعملوا عليهم بحث علشان تعرفوهم ..

النوع الاول (للبحث عن عمل):
وده بيسمح لك انك تاخد فيزا ٦ شهور مع حق العمل في النمسا .. علشان تبحث عن عمل .. وبعد كده بتنتقل لBlue Card لو حابب او اي نظام ثاني داخلي باستخدام العقد بتاعك لما تلاقي شغل .. علشان تعرف تقدم علي النوع ده من الفيزا محتاج ٧٠ نقطه النقط بتتحسب طبقا للجدول ده:
http://www.migration.gv.at/…/very-highly-qualified-workers.…

النوع الثاني (العمل في احد المجالات الي فيها قصور في الايدي العامله):
وده بيسمح لك انك تاخد فيزا ١٢ شهر بيتم تجديدهم في حال استمرارك في عملك .. محتاج علشان تاخد الفيزا دي يكون معاك عقد عمل في النمسا .. علشان تعرف المجالات الي فيها قصور في الايدي العامله وازاي تحسب نقاطك (محتاج ٧٥ نقطه علي الاقل) هتلاقي التفاصيل دي في الموقع ده:
http://www.migration.gv.at/…/skilled-workers-in-shortage-oc…

بعد ماتقري الكلام ده وتبقي مقتنع انك جاهز تقدم هتحتاج الورق ده:
- الPassport
- شهادة الميلاد "مترجمة انجليزي، الماني او فرنسي".
- صوره شخصيه خلفية بيضا زي بتاعة جواز السفر.
- شهادات خبره لو هتحسب نقاط خبرتك في العمل.
- شهادة تخرجك و تخصصك.
- شهادة IELTS او TOEFIL ومش محتاج Score عالي لانهم بيقبلوا مستويات A1 & A2 ودي المفروض مستويات قليله جدا ومعظم المصريين التعليم العالي بيبقي مستواهم C1 وده اعلي مستوي في التقييم الاوروبي ..

مصاريف التقديم بتتكلم في حدود ١٢٠ يورو  هتلاقي تفاصيل اكثر هنا:
http://www.migration.gv.at/…/permanent-immigration-red-whit…

محتاج مايثبت ان عندك دخل شهري حدود ٨٠٠ يورو من وظيفتك الحاليه .. ودي اصعب حاجه في الموضوع بس مش مستحيلة طبعا .. زي ماقلت قبل كده لو انت Highly skilled worker الكلام ده كله هيبقي تافه وهيبقي اقل حاجه علشان تثبت انهم محتاجينك ..



الخبرة منقولة من طارق السمني 

الاماكن المرتبطة

  • سفارة النمسا

  • التصنيف

    • *سفر وهجرة  


    December 14, 2014 | إطبع

    Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
    معلومة زيادة x
    عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

    التعليقات



    تسجيل الدخول x
    إشترك الآن في موقع كشاف مصر