Facebook32

كشّاف الخبرات

B4787e150d5efe0627e16f07109df29b.png?d=http%3a%2f%2fkashaaf.com%2fkashaaf_logo

إبن بطوطة
72 نقطة 2
دي أحسن طريقة عشان تتعلم اللغة الإنجيلزية
عدد المشاهدة
1177



اللغة الإنجليزية هي الحاجة اللي لو اتعلمتها واكتسبتها كويس هتلاقي كل الدنيا مفتوحة معاك وسهلة وهتقدر تعرف حاجات كتير جدا وتشوف حاجات اكتر مما كنت متخيل, هتقدر تتنطلق جدا في اي مجال انت بتحبه, حياتك فعليا هتتغير.. انت شايف بعينك يعني مش محتاج اقولك

اول سؤال بيواجه الناس اللي بتحاول تتعلم اللغة دي هو ابدأ ازاي؟

الاول الطريقة دي هي الطريقة اللي اتعلمت بيها 3 لغات وهي اللي بستخدمها وبتديني نتيجة مذهلة بصراحة.. الطريقة ببساطة انك تعرض نفسك للغة اختلط بيها وخليها تاخد جزء من وقتك اسمعها اقراها اغمس نفسك فيها.. يعني لا هي دي الطريقة بتاعت مركز مين ولا حاجة.

البوست هحاول اخليه يغطي كل الجوانب.

اولا نبدأ من انك متعرفش اي حاجة عن اللغة اصلا.. فنبدأ واي مشكلة هتقابلها علي طول او كلمة مش عارفها دور علي معناها في Google translator او قاموس عربي انجليزي او اسأل اي حد.

الابجدية تقدر تعرفها من هنا حاجة بسيطة جدا:
http://goo.gl/qSHgjq

وهنا هتتعلم ازاي تكتب الحروف:
http://goo.gl/EmOlj4

وبعد كده هتحفظ شوية كلمات تساعدك من الفيديوهات دي.. كل حرف نطقه وشكله وكلمات عليه لو مش فاهم معني الكلمة دور عليها واعرف معناها/معانيها كويس:
http://goo.gl/A77giB

واه طبعا كل حاجة بالانجليزي لان زي ماقولتلك اغمس نفسك علي قد ماتقدر, في الاول الموضوع ممكن يبانلك رخم شوية بس شوية شوية هتحب الموضوع وهتلاقيه سهل وهتبقي تضحك علي الكلام ده بعدين يعني..

شوية الكلمات اللي هتعرفهم هنا هيساعدوك تقرا شوية وهنا هقولك علي حاجتين تعملهم بالتوازي:
1- تدخل علي موقع Duolingo والمنهج ده كويس جدا عشان تتابعه:
http://goo.gl/GfUc6a

هتدخل علي Engvid:
http://goo.gl/nEigsP
ومن Level اللي علي الشمال هتختارBeginner وهرشحلك من ال Teachers: Ronnie وهتدوس Find lessons واتفرج وافهم هكذا وتابع المستويات الباقية مع الفيديوهات اللي تحت مع الكتاب اللي هنقوله دلوقتي.

2- خلصت اول مرة تابع بقا القواعد English Grammar
هتكون اخدت فكرة منEngvid بس ندوس بقا شوية عشان نقدر نكون جمل صح.. هتابع فيديوهات القناة دي كلها:
http://goo.gl/BEj24K

وفيه كتاب جميل جدا هتنزله اسمه 
English Grammar in Use
هتستخدمه مع الفيديوهات "الكتاب في صور وروسومات عشان تفهم" وفيه تمارين واسطوانة معاه عشان هتديك تمارين اكتر.. تقدر تنزلهم Torrent من هنا
http://goo.gl/yieoQM

دلوقتي محتاج بقا تتطور نفسك اكتر.. الكلمات هي اللي هتفتحلك الدنيا كلها.. فيه كتاب رائع جدا لو حفظت كل يوم 5 كلمات في اقل من سنة هتكون خلصته هيفرق معاك جدا وهيكونلك حصيلة محترمة جدا الكتاب اسمه 
Webster's New World Essential Vocabulary تقدر تنزله من هنا:
http://goo.gl/m36a4Y

محتاج بقا "وانت بتعمل كل اللي فوق ده" تقرأ مقالات في اي حاجة بتحبها او تقرا الصحافة العالمية وتتفرج علي افلام بالترجمة الانجليزي واغاني بالكلمات Lyrics.. زي ماقولنا الموضوع هيبقي رخم حبتين بس كل يوم هتعرف كلمات اكتر واحفظها ومفيش حاجة اسمها بالشبه كده انسي الكلام ده وشوية شوية الدنيا هتبقي لذيذة معاك.

موضوع اللهجة ده نشوفه دلوقتي.. الافلام هتساعدك جدا حاول تحاكيها كويس واعرف كويس ان اللهجة يعني بالمناسبة مش حاجة Standard وعندك مصر كمثال فيها لهجات كتير ومختلفين واللغة العربية نفسها كمان.. بس عموما فيه قواعد اعرفها لو حابب تعرف اللهجة الامريكية American accent:

ده كورس رائع جدا "صوت مع كتاب" اسمه Mastering the American Accent:
http://goo.gl/q41fk4

وده كويس عشان فيه فيديوهات لطريقة النطق Lose Your Accent In 28 Days:
http://goo.gl/AFdmZm

بس طبعا اهم حاجة زي ماقولتلك الافلام كويس جدا ودرب نفسك ازاي تنطق صح وزيهم.

اقرا اكتر واعرف كلمات واكتب واغلط وصلح لنفسك وتابع ضبط ال Grammar كويس هتلاقي الدنيا اختلفت تماما.


التصنيف

  • *معرفة وتعلم  


October 4, 2014 | إطبع

Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
معلومة زيادة x
عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

التعليقات



تسجيل الدخول x
إشترك الآن في موقع كشاف مصر