Facebook32

كشّاف الخبرات

Picture?type=large

Mazen Aly
226 نقطة 4
مواقع عليك ان تدمنها اكثر من فيسبوك وتويتر !
عدد المشاهدة
1493


المواقع دي لو حضرتك تابعتها بشكل يومي ، مقدار العلم اللي ممكن تحصله منها يعادل العلم اللي اخدته في التعليم الحكومي ويزيد ، وكل اللي انت محتاجة ( كمبيوتر - نت - قلم وورقة - وحبة ارادة )


1- موقع تيد TED : 

تقريبا مش بيعدي يوم إلا ولازم ادخل علي تيد ، ted هي اختصار لـ Technology تكنلوجيا Entertainment “ترفيه”. Design “تصميم”. تيد عبارة عن مؤتمر او قاعة محاضرات بيجيلها الناس من مختلف انحاء العالم ، والقي فيها محاضرات ناس مبدعين زي بيل جيتس (مؤسس شركة Microsoft)، بيل كلينتون، لاري بايج (مؤسس Google) وغيرهم كتير ،، الفكرة ان ted بـ يمنحهم 18 دقيقة كحد أقصى لإلقاء أفضل محاضرة في حياتهم .. وبتكون فعلا رائعة. 

اللينك ده فيه كل محاضرات الموقع مرتجمة للغة العربية 

http://goo.gl/O5h5dM

محاضرة يوميا هتفرق كتير :))


2- موقع Udacity او coursera

الموقع ده من ضمن المواقع اللي بدفع اشتراك النت عشانها ، واحد من اشهر مواقع الكورسات الاونلاين علي النت ، هتلاقي عليه كورسات مجانية في كل المجالات واحيانا بتاخد شهادة بعد ما تخلص الكورس ، الموقع كنز لاي حد عايز يتعلم ، الكورسات بتكون باللغة الانجليزية ، فحاول تحسن من لغتك عشان تقدر تتفاعل مع كل محتويات الكورس وحلقات النقاش

https://www.udacity.com/ . https://www.coursera.org/


3- موقع رواق :

اغلب المحتوي العلمي علي النت بيكون باللغة الانجليزية ، وده بيكون عائق امام بعض الناس اللي مستوي اللغة عندهم ضعيف . المحتوي العربي الفترة الاخيرة بدات تظهر فيه بعض المواقع المحترمة واللي مبذول فيها جهد رائع ، زي مثلا رواق

رواق هي منصة بتقدم كورسات باللغة العربية في مختلف المجالات ، انا تابعت منهم 3 كورسات واستفدت جدا منهم ، الكورسات كلها مجانية والتسجيل فيها سهل جدا 

http://www.rwaq.org/


4- موقع ويكي هاو 

" اسأل مجرب ولا تسأل حكيم " ،،، نفسك تعمل حاجة معينة ومش عارف الطريقة ، طريقة عمل المكرونة مثلا ؟ ، التزلج علي الجليد ؟ رسم ؟ ........... الخ 

" الموقع ده موسوعة عن كيفية عمل أي شيء، و لذلك جميع مقالات ويكي هاو تبدأ بـ “كيف” أو “How to " 

ما يقرب من 100 الف مقال في شتي مجالات الحياة ، والفيديو لا يتعدي الـ 10 دقائق ، يعني ممكن تسمعه وانت واقف في المترو 

الموقع متوفر ب 60لغة منهم العربية 

http://www.wikihow.com/Main-Page


5- موقع العلوم الحقيقية ، او الباحثون السوريون 

الموقعين رائعين ، بينشروا احدث ما وصل اليه العلم من ابحاث واكتشافات ومقالات مترجمة ، بالاضافة لمقالات في اغلب مجالات الحياة ( طب - رياضيات - اقتصاد - نفس - ........ ) 

تابعهم وهتستفاد جدا ان شاء الله 

http://real-sciences.com/

http://www.syr-res.com/





التصنيف

  • *معرفة وتعلم  


September 23, 2014 | إطبع

Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
معلومة زيادة x
عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

التعليقات



تسجيل الدخول x
إشترك الآن في موقع كشاف مصر