Facebook32

كشّاف الخبرات

Picture?type=large

Mazen Aly
226 نقطة 4
الحصول على رخصة القيادة في السعودية ( الرياض )
عدد المشاهدة
1176


موضوع انك تاخد الرخصة في السعودية ..موضوع خنيق شوية ...وفي لف ودوران كتير ..

أولاً ... بتاخد الرخصة  من مكان تبع وزارة الداخلية اسمه  ... داله  .... في الرياض مثلاً في دالة السلي في الشرق ودالة السويدي في الجنوب ...الاحسن والأسرع ..هي دالة السويدي   

ثانياً ..الاحسن انك تدفع على النت رسوم إستخراج الرخصة قبل ماتروح ، عشان المكاتب هناك ..حتاخد 50 ريال أو أكثر ...عشان تتدفعلك هي ...لو معندكش حساب فالبنك ..خلي واحد صاحبك يدفعلك ..


ثالثا...الاحسن برضه إن يكون معك رخصة قيادة مصرية (أو رخصة بلدك ) .. عشان كدة حيوفر عليك انك متدخلش مدرسة وحتاخد معاد بدري 


رابعاً  ،،،  في4 مراحل ...  إمتحان تحديد المستوى ....المحاضرة ..... إمتحان النظري ....إمتحان العملي ...

      1- إمتحان تحديد المستوى ... حيشوفك حتعرف تطلع بالعربية وتمشي بيها والله لأ ...بيبقى بسيط 

      2- المحاضرة ... بيكلمك عن اسئلة  إمتحان النظري ... ركز فالمحاضرة دي ...والأحسن انك تكون رايح مركز ...

      3- إمتحان النظري (الكمبيوتر ) .... بيجيلك 20  سؤال ...اختيارات .... لازم تحل ...15 منهم .... عشان تعادي الإمتحان ده ...في ورقة كبيرة وش وضهر ...لازم        تحفظها ....وإختبر نفسك على موقع الوزارة ..هنا ... وشوف الفيديو ده ... http://www.youtube.com/watch?v=ZQUdIrdjUvY

     4-   إمتحان العملي ... دا أصعب حاجة ...وإنت وحظك ...في ناس بتعدي منه بسهولة عشان العسكري بيفوت ... وفي ناس لو وقعت في حاجة من اللستة إلي تحت دي ... بيقولك راسب ويديك معاد تاني .... 

 ركز في اللستة دي عشان تضمن انك تعدي ....   


  -لازم تبقى واثق في نفسك عشان في ناس التوتر هو سبب الرسوب 

  -أول متركب ...ضبط الكرسي ...والمريات ...واربط الحزام   

  -نزل فرامل إليد ..وإلا السيارة حتبطل منك  ... طفي الإنتظار 

  -إستخدم الإشارات وإنت داخل يمين أو يسار ... ولازم تلف رأسك يمين أو يسار عشان المنطقة العامية

   -لو في علامة قف ...لازم توقف حوالي 4 ثواني ...

   -لما العسكري يقولك قف ...  هدئ وقف على جنب ... وشغل الإنتظار


لو عملت الحاجات دي ...يبقى مبروك عليك الرخصة ... لو في ملاحظات أو إضافات ...اكتبها في التعليقات تحت الخبرة .... 

الاماكن المرتبطة

  • دالة السلي
  • دالة السويدي

  • التصنيف

    • *روتين حكومي  


    September 22, 2014 | إطبع

    Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
    معلومة زيادة x
    عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

    التعليقات

    Picture?type=large
    Mazen Aly 4 226 نقطة

    هو ده السبب اللي كشاف اتعمل عشانه ...واحد يدوخ شوية عشان يعمل حاجة ..وبعدين يكتب الزتونة في كشاف ..و الاف الناس بعده مش حيلفوا حوالين نفسهم ..


    2014-09-23
    Picture?type=large
    Mohammed Elhifnawy 5 665 نقطة

    عايزين نعمله موبايل أب ... الناس بكل بساطة مكن تكتب من الموبيل في ساعتها .. بعكس الديسكتوب لما يروح حعيستغلس يفتح النت مخصوص عشان الموضوع دة 

    2014-11-14


    تسجيل الدخول x
    إشترك الآن في موقع كشاف مصر