Facebook32

كشّاف الخبرات

A8e71b2dc34a217ae9b59200c240cc20.png?d=http%3a%2f%2fkashaaf.com%2fkashaaf_logo

mahmoud
43 نقطة 1
كيفية الحصول على تاشيرة تركيا بمنتهى السهولة من مصر
عدد المشاهدة
14186


الموقف



اولا الاوراق المطلوبة :
- جواز سفر صالح لمده 6 شهور من تاريخ السفر
- صورة شخصية خلفيه بيضاء 4*6
- ابليكشن لطلب الحصول على الفيزا و ممكن تنزل من هنا و تطبعه و تروح جاهز او ممكن تخده من القنصليه و تكتبه هناك بس الافضل تكتب فى البيت برحتك و ممكن تنزل الابليكشن من هنا
www.travisa.com/pdffiles/turkey_visa.pdf
- لو بتشتغل هاتلهم جواب من الشغل الى انت فيه انك بتشتغل هناك و يكون ممضى و مختوم
- لو طالب تجبلهم جواب قيد من الكليه


- الحالات الى ممكن يرفضو يدولك الفيزا بسببها:
ان تكون مش مكتوب فى الباسبور مهنه .يعنى مثلا لو حد راح و مكتوب فى جواز سفره حاصل على بكالريوس تجارو او ليسانس اداب او اى شهاده مش بيرضو يدولو التاشيرة
و بيغلسو اكتر على الشباب 
فمثلا لو فيه بنت عايزه تطلع و معندهاش مهنه . فالافضل ان يكون ابوها او اخوها مسافر معاها و هو يقدملها عشان هما بيدققو على النقطه دى اوى و ناس كتير اترفضت بسبب الموضوع ده


الخطوات :
روح للقنصلية او السفارة . انا روحت القنصلية عشان انا من اسكندرية و روحت الساعه 9 و فى رمضان بيفتحو من 9و نص بس اقف عشان تاخد دور عشان تخلص بدرى بدرى
حيدخلوكو البوابه اتنين اتنبين  و يدوك رقم الى هو دورك و تخش تعد جوا شوية على بنشات كده زى الى فى الكليه تستنى دورك .
بيخدو خمسة خمسة يخشو
حتخش و تطلع فوق للظابط القنصلى حتلاقيه مصرى و حدخله الباسبور و الابليكشن
و حيسالك انت معاك باسبور قديم فقوله الحقيقة و ياريت تكون جايبه معاك افضل
و بعد كده حيقولك انت سفرت قبل كده لز سفرت قبل كده يكون افضل لاقيته بيبص فى التاشيرات بيتاكده انى مكسرتش تاشيرة قبل كده
و سالننى حتعد كام يوم فى تركيا فقولتله راح بصصلى تانى و قالى ادينى جواب الشغل و قعد يبص فيه و راح قايلى 420 جنيه
انت اول متسمع سيرة الفلوس اعرف كده انك اخدت الفيزا
و رحت دافع الفلوس و ادانى استيكر ابيض كده عليه زى كود عشان استلم بيه جواز سفرى و قالى تعلالى بعد اسبو الساعه 2 و نص عشان تستلم و ممكن فى القاهرة يبقى اسرع بس خو فى قنصليه اسكندرية قالى كده
بس كده يا معلم و كده انت اخدت الفيزا
لو فيه حد ليه استفسار او سؤال عن الفيزا ممكن يسالنتى او اى سؤال عن تركيا
اتمنى تكونو اسنفدتم معايا بجد 

الاماكن المرتبطة

  • سفارة تركيا
  • قنصليه تركيا

    الأوراق المطلوبة

    التصنيف

    • *سفر وهجرة  
    • *روتين حكومي  


    May 9, 2014 | إطبع

  • Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
    معلومة زيادة x
    عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

    التعليقات

    Picture?type=large
    Mostafa Hashem 1 17 نقطة

    شكرا ليك بجد انا استفدت منك


    بالنسبه للتصريح الامنى 


    برده من اسكندريه ولا لازم مجمع التحرير ؟

    2015-11-15
    Picture?type=large
    Eh Fe Ab 1 22 نقطة

    هل لازم تاخد ميعاد قبل الذهاب الي السفاره

    2017-03-22
    Ab68f1a5f1bc83c06e8ed1950bfeb4c1.png?d=http%3a%2f%2fkashaaf.com%2fkashaaf_logo
    pousi 1 17 نقطة

    شكرا جدا لمجهودك

    من فضلك تقدر تفيدنى فى الاقامه واسعار الشقق لاسره من فردين واطفال

    وبالنسبه للتعليم ممكن الاطفال ينتسبوا لمدارس حكوميه فى مصر ويتقدموا للامتحانات فى السفاره عادى ولا لا؟


    2017-03-29
    Ce17af2908fe51e63ec574352323c6ca.png?d=http%3a%2f%2fkashaaf.com%2fkashaaf_logo
    الفنت 1 17 نقطة

    الجواز سفرة  مكتوب حاصل  على  بكالوريوس  سنة41  يعمل اية

    2017-07-18


    تسجيل الدخول x
    إشترك الآن في موقع كشاف مصر