Facebook32

كشّاف الخبرات

Picture?type=large

Mohammed Elhifnawy
665 نقطة 5
نصائح للدفعات الجديدة قبل دخول كلية ضباط الإحتياط مباشرة
عدد المشاهدة
7615


( اخر حديث يوم 18/9/2012 )
 
السلام عليكم
 
 بخصوص الناس اللى بتدخل لسه جديد فى كلية الضباط الاحتياط, بيحتاجوا  يعرفوا هياخدوا ايه وبيحتاجوا ايه
فحبيت استعير من كلام سابق ليا ولبعض اعضاء الصفحه ويارب تفيدكم
طبعا كلامى دا مش قانون وقابل للتعديل من اى حد, فانا جاهز لاى تعديلات تبعتهوا ليا
 
اولا : نصائح عامة
 ------------------
1- يفضل تاخدوا طقم ولا اتنين كلسون (اللى هو بيتلبس تحت الهدوم وبيدفى) سواء من اللون الابيض او اللون التانى
2- هيكون معاكم شباب يائس وتعبان جدا فبلاش تسمعوا لهم كتير, لان اليأس والقرف مش هيغير شى, انت اصلا فى المكان وخلاص
3- خليك ايجابى ( كنت كل يوم اقول لاصحابى : صباح الخيييير يا رجاله, انهاردة احلى يوم )
4- ابعد عن السجاير علشان خاطر ربنا وعلشان خاطر نفسك وعلشان اهلك, لانك لو اتمسكت بيها هتتحبس وهتتمنع عن اجازتك, وفيه ناس هتاخد الامور بعناد وكسر للقواعد.يارب متكونوش منهم
5- خدوا ملابس داخليه كتير او معاك مساحيق غسيل لو ليك فى الغسيل
- متاخدوش معاكم مبلغ مالى كبير, بالكتير قوى 200 جنيه لان مشاكل الفلوس كتير ومتدخلوش فى حوارها, وانت مش هتحتاج اكتر من كدا, ولو احتجت ابقى خلى اهلك يجيبوا لك فى الزيارات
6- هتلاقى فرصه تقرب من ربنا جامد, لانه هو الوحيد اللى هيساعدكو فاستغلها فرصه تساعد نفسك
7- متخليش حد يعرف اسمك فى الجيش نهائى, هترتاح كتير , يعنى متحاولش تاخد مميزات فى الكليه ولا تخلى حد يكرهك
8-خدوا معاكم عده الحلاقه, ويفضل الماكينات الجاهزة ومتكنش كهرباء, ومعاكم يكون فيه قفل علشان تقفلوا الدولاب بتاعكم
9- استغلوا الوقت كويس, انا عارف انكوا هتبقوا مضغوطين بس بعد شوية هتلاقوا وقت ولازم تستغلوه, كنت مع زمايلى بنقسم الوقت بيننا, كنت بشرح لهم لغة, وواحد تانى طبيب يشرح لنا ازاى ندى حقن ونعمل اسعافات اوليه, وواحد يشرح لنا شغل معامل التحاليل الخ الخ
10- خلى علاقتك بضباط الصف ( الشاويش والصول يعنى ) علاقه رسميه جدا, هو بيعلمك العسكريه وبس,يعنى هو دكتور ومهندس فى شغلته, امشى معاه للاخر لحد ما تخلص فتره تدريبك
11- اياك ثم اياك تضايق زمايلك لانكوا تعبانين سوا وملكوش الا بعض
12- اهتم جداااااااا جدااا بالعلوم العسكريه لانك لما تبقى ضابط هتندم انك ضيعت معلومات فى ال6 شهور دول كانوا ممكين يخدموك فى السنتين التانيين وانت ضابط
13 - استغلوا الضباط فى انهم يعلموكوا كل شىء, ويشرحوا لكم حقوقكم القانونيه بكل تفاصيلها, ويشرحوا لكم ازاى تتعاملوا فى الوحدات
 
ثانيا :  الادوات المطلوبة
 ---------------------------
 1. شماعات
 2. رباط جزمة
 3. فرش كوتشي
4. استك ابيض
5. ورنيش
6. ابرة وخيط
7. قفلين
8. صابون
9. فوطة
10. قلم  
ولا اتنين
11. بودرة بكتريا (مهمة جدا)
12. مكن حلاقة (ممكن تجيب مكنة gillette بالشفرات , اوفر)
13. معجون حلاقة
14. شامبو
15.Sun block ( دا دلع شوية ) 
16. غيارات داخلية..اي لون..كتير
17. مسحوق غسيل 
18. نوتة
19. كروت اتصالات ( المصرية للاتصالات من اى سنترال حكومى )
20. ادوية  (خاصة مراهم علشان التسلخات و مرهم تيراميسين)
21. قزايز فاضية
 22. ديتول (علشان ترش على السرير)
23. بخاخة (بترش بيها الديتول)
24. شبشب حمام
25. سجادة صلاة
26. شرابات اسود او اي لون غامق
27. مناديل تواليت
28. مناديل عبوة كبير (اوفر)
29. فرشة سنان ومعجون
30. معطر عربية (علشان الدولاب)
31. ليفة
32. كولنيا 55555 لتطهير اي جرح
33. بلاستر جروح
34. مراية صغيرة لحلاقة الدقن
35. ساعة بتنور في الضلمة (في حدود 5 او 10 جنية) 
36. قصافة ضوافر
37. فانلة بكم او اتنين عشان لو بردت..ويكونوا من غير رقبة
38. مزيل عرق بكره



ملاحظات

تم النقل من صفحة  كلية الضباط الإحتياط بالفيس بوك


الأوراق المطلوبة

التصنيف

  • *روتين حكومي  


April 6, 2014 | إطبع

Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
معلومة زيادة x
عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

التعليقات



تسجيل الدخول x
إشترك الآن في موقع كشاف مصر