Facebook32

كشّاف الخبرات

Picture?type=large

Mazen Aly
226 نقطة 4
الفيش الجنائي
عدد المشاهدة
14384


الموقف

بتاخد فيش جنائي ب 4 جنيه ( او ب 6جنيه لو مستعجل ) من القسم اللي انت تابع ليه

حاجه مهمه جداا: اوعى انك تكتب اي حاجه في الفيش ولا تكتب اسمك ولا اي حاجه خاالص عشان في راجل مسئول اللي بتسلمله الفيش هو اللي بيملاه بخطه ولو كنت تعيس الحظ زيي ومليته حتضطر تجيب واحد تاني فمن الاول اهه بكررها تاني محدش يكتب اي حاجه خاالص في الفيش ده او في الفيش الرباعي اللي بعدين في الاخر خالص حتعملوه ان شاء الله


حتروح القسم اللي انت تابع ليه وحتقول للمخبر اللي بيبقى واقف على الباب انك عايز تعمل فيش جنائي حيقوم هو قايلك روح المكان الفولاني وحتاخد استماره الفيش الجنائي ب 4 جنيه او 6 جنيه لو مستعجل وطبعا مش حتكتب فيها حاجه لكن حتروح في مكان تاني وتقف طابور وتستنى دورك لحد ما تدخل للشخص المسؤول وحتديله ورقه الفيش الجنائي متدبس فيها صورة شخصيه ليك مكتوب عليها اسمك من ورا وبردك متدبس في نفس الفيش صورة من البطاقه الشخصيه وحتقوله انك عايزها عشان التجنيد وحيخليك تبصم بكل صوابعك وتستلم الفيش بعدها بيومين تقربيا تكونوا جايبن البطاقه + صورة من البطاقه + صورة شخصيه + قلم جاف تكتبوا بيه اسمكم على الصورة من ورا + دباسه تكونوا مدبسين فيها الصورة في المكان المخصص جوه ورقه الفيش الجنائي وتدبسوا صوره البطاقه ورا الفيش من فوق حييجي راجل ياخد من كل 5 البطاقه ويقولكم تعالوا معاه عشان تدخلوا جوه بعد كده حينادوا بالاسم على كل واحد وحتلاقي راجل لطيف حيسألك الفيش الجنائي عايزه عشان ايه حتقوم انت رادد بقوه وتقولوه عشان الجيش وبعد كده حيبصمك بكل الصوابع على الفيش ويا ريت تسيبلوه ايدك خالص عشان ميتنرفزش عشان هو عصبي حبتين D: وبس بعد ما ايدك اتلوثت بالحبر القذر مبروك انت كده خلصت وحتروح ويقولولك تعالى بعد بكرة ( لو كان مستعجل) او بعد 3-4 ايام لو كان عادي وحتى ممكن اي حد من اهلك يستلمهولك بالبطاقه بتاعته وبتاعتك وخلاص ومبرووووووووك كده انتم عملتم الفيش الجنائي وتكونوا خلصتوا حاجه من اجراءات التجنيد والتعبئه في مصر بس بردوا فى خيار اسرع وانجز انك تروح تعمله من مدريه الامن بتروح بالبطاقه بس وهو بيبصمك على اسكانر وبيصورك كمبيوتر وبتدفع حوالى 15 جنيه وبتستلمها تانى يوم


ملاحظات

مدة صلاحية الفيش الجنائي هي 3 شهور من تاريخ إصداره
والقيد العائلى كذلك



March 17, 2013 | إطبع

Question_mark استفدت من الخبرة دي؟ فيد غيرك بتجربتك وخبرتك في الدنيا من هنا
معلومة زيادة x
عشان الدنيا مش واضحة وعشان ناس كتير ماتعرفش عملنا... كشَّاف خبرات كل المصريين في أي حاجة وعن أي مكان حتتجمع هنا للأبد و متاحة للجميع

التعليقات

هو ممكن لما اطلعة اعمل اكتر من نسخة؟


2015-08-01


تسجيل الدخول x
إشترك الآن في موقع كشاف مصر